Guritan Dusun Perdipe

Iluk pule pangkal guritan 
mane ringkih pangkal pantunan 
Ini die karang cerite 
cerite dusun bedame Perdipe 
dusun tue kate Puyang madaknye 

Perdipe…….. 

Negeri itu Mekkah kecik julukannye 
Nerangi besemah nga tanah Semende 
Ayik Lematang di lembaknye 
Talang Tumutan Tujuh itu badahnye… 

Tahun itu 1483 Masihi 
Tecatat dalam kitab Kahas 
sampai damenye tembe Syech Baharuddin name jemenye 
Nur Qodim itu gelarnye 
Puyang Awak anak cucung mantaunye 
Ncetuskah adat bedame SEMENDE 

Perdipe…. 

Begilir dame njadikanye 
becahaye San di Puyang Awak, Puyang Lebih Penghulu 
Hingge Ninik Kiaji Oemar ye meleginde 

Ini die ganjur guritan 
Pailah kite saling keruankah 
Hukum adat ditegakkah! 
Hukum agama dijalankah! 
Peturat diagungkah! 
Sepate didengarkah! 
Simbur cahaye jadi pesake semista! 

Di sane Tetegak Adat Semende 
Tecetus pule Lampik Empat Merdike Due 
Lembaga Adat Besendikah Agame Pencipte 
banyak pare ulame Kandik Negakkah Peturat di denie 

Mak ini ahi Perdipe tinggal cerite 
Luk negeri dik benyawe 
Banyak jeme dik tau asal-usulnye 
Banyak pule ye melupekanye 

Guritan la di lambung Lain waktu kite sambung


Numpang ngutip : by Erwinsyah (https://www.facebook.com/notes/padoe-persaudaraan-jeme-semende/guritan-dusun-perdipe-sejarah-tanah-semende/10151046867776899/)